आरक्षणाबाबत दिव्यांग कल्याण आयुक्तांकडून हिरवा कंदील
राज्यात तलाठी पदांच्या परीक्षेचा मार्ग मोकळा
पुणे भूमी अभिलेख विभागातर्फे घेण्यात येणाऱ्या सुमारे साडेचार हजार पदांसाठीच्या भरतीचा मार्ग मोकळा झाला आहे. या पदांसाठी दिव्यांगांचे आरक्षण डावलून परीक्षा घेण्यात येणार असल्याची तक्रार दिव्यांग कल्याण आयुक्तांकडे करण्यात आली होती. मात्र, हे आरक्षण प्रांत स्तरावरून आले असल्याचे जिल्हाधिकाऱ्यांनी कळविले असून, त्याबाबत दिव्यांग कल्याण आयुक्तांनी हिरवा कंदील दिला आहे. त्यामुळे ही परीक्षा आता सुरळीत पार पडेल, अशी माहिती राज्याचे जमाबंदी विभागाचे अतिरिक्त आयुक्त आनंद रायते यांनी दिली.
सरकारने तलाठी भरती करण्याचा निर्णय घेतल्यानंतर, ४ हजार ६४४ पदांसाठी परीक्षा घेण्याचे ठरवले. १७ जुलैपर्यंत अर्ज दाखल करण्याची शेवटची मुदत आहे. मात्र, यासाठी दिव्यांगांचे आरक्षण डावलण्यात आल्याचा आरोप दिव्यांगांच्या संघटनांनी केला होता. त्यानुसार, दिव्यांग आयुक्तांकडे तक्रारही करण्यात आली होती. दिव्यांग कल्याण आयुक्त ओमप्रकाश देशमुख यांनी याबाबत जमाबंदी विभागाकडे खुलासा मागितला होता.
ते म्हणाले, “रिक्त पदांबाबत आदिवासी विकास व मागासवर्गीय विभागाकडून माहितीची खात्री केल्यानंतर परीक्षा घेण्याचे ठरले. मुळात हे आरक्षण प्रांत स्तरावर असते. त्यानुसार, एकूण पदांच्या ४ टक्के जागा दिव्यांगांसाठी आरक्षित असतात. त्यानंतर, प्रत्येक प्रांत विभागातील जागा जिल्हाधिकारी कार्यालयाने एकत्रित करून जमाबंदी विभागाला कळविल्या. याचा सविस्तर अहवाल दिव्यांग कल्याण आयुक्तांना सादर
करण्यात आला.
अडीच लाखांहून अधिक दाखल
■ या पदांसाठी मंगळवारपर्यंत दोन लाख ५९
हजार ५६६ अर्ज दाखल झाले आहेत. या अर्जांची १७ जुलैनंतर छाननी केली जाईल. त्यानंतर, परीक्षा होईल. ऑक्टोबरमध्ये परीक्षेचा निकाल जाहीर केला जाईल, असेही त्यांनी सांगितले. कोणत्याही उमेदवारावर अन्याय होणार नाही, अशी जमाबंदी विभागाची भूमिका आहे. उमेदवारांनी अफवांवर विश्वास ठेवू नये. उमेदवारांसाठी एका मदत कक्ष सुरू करण्यात आला आहे. त्याचा लाभ घ्यावा.
– आनंद रायते, अतिरिक्त आयुक्त, जमाबंदी व भूमी अभिलेख विभाग.
जाहिरात क्र.: तलाठी भरती/प्र.क्र./45/2023
Total: 4644 जागा
पदाचे नाव: तलाठी (गट-क)
अ.क्र. | जिल्हा | पद संख्या | अ.क्र. | जिल्हा | पद संख्या |
1 | अहमदनगर | 250 | 19 | नागपूर | 177 |
2 | अकोला | 41 | 20 | नांदेड | 119 |
3 | अमरावती | 56 | 21 | नंदुरबार | 54 |
4 | औरंगाबाद | 161 | 22 | नाशिक | 268 |
5 | बीड | 187 | 23 | उस्मानाबाद | 110 |
6 | भंडारा | 67 | 24 | परभणी | 105 |
7 | बुलढाणा | 49 | 25 | पुणे | 383 |
8 | चंद्रपूर | 167 | 26 | रायगड | 241 |
9 | धुळे | 205 | 27 | रत्नागिरी | 185 |
10 | गडचिरोली | 158 | 28 | सांगली | 98 |
11 | गोंदिया | 60 | 29 | सातारा | 153 |
12 | हिंगोली | 76 | 30 | सिंधुदुर्ग | 143 |
13 | जालना | 118 | 31 | सोलापूर | 197 |
14 | जळगाव | 208 | 32 | ठाणे | 65 |
15 | कोल्हापूर | 56 | 33 | वर्धा | 78 |
16 | लातूर | 63 | 34 | वाशिम | 19 |
17 | मुंबई उपनगर | 43 | 35 | यवतमाळ | 123 |
18 | मुंबई शहर | 19 | 36 | पालघर | 142 |
शैक्षणिक पात्रता: कोणत्याही शाखेतील पदवी.
वयाची अट: 17 जुलै 2023 रोजी 18 ते 38 वर्षे [मागासवर्गीय: 05 वर्षे सूट]
नोकरी ठिकाण: संपूर्ण महाराष्ट्र
Fee: खुला प्रवर्ग: ₹1000/- [मागासवर्गीय:₹900/-]
Online अर्ज करण्याची शेवटची तारीख: 17 जुलै 2023 (11:55 PM)
परीक्षा: नंतर कळविण्यात येईल.
अधिकृत वेबसाईट: पाहा