मूल, ता. ९ घर बांधकामाकरिता आवश्यक लागणाऱ्या कडप्पा (फरशी) घेऊन जाणारा ट्रक आकापूर वळणावर पलटला. यात ट्रक चालक किरकोळ जखमी झाला. ही घटना
शनिवारला दुपारी ४.३० वाजताच्या दरम्यान घडली. गोंदियावरून मूल मार्गे चंद्रपूरकडे एम. एच. ३५ के. ८८७२ या क्रमांकाचा ट्रक घरगुती कामात लागणाऱ्या कडप्पा ( फरशी) घेऊन जात असताना आकापूर वळणावर चालकाचे वाहनांवरील नियंत्रण सुटल्याने पलटला. ट्रकमध्ये असलेल्या कडप्पाचा सडा संपूर्ण रस्त्यावर पडला होता. फरशा पूर्णपणे फुटल्याने लाखोंचे नुकसान झाले आहे. परिसरातील नागरिकांनी घटनास्थळी एकच गर्दी केली होती. या घटनेचा पुढील तपास मूल पोलिस करीतआहे.
