‘नीट-यूजी’चे प्रवेशपत्र ‘या’ तारखेपासून उपलब्ध होणार; प्रवेशपत्र कसे डाउनलोड करायचे?

 वैद्यकीय क्षेत्रातील पदवी अभ्यासक्रमांसाठी देशपातळीवर घेतली जाणारी राष्ट्रीय पात्रता व प्रवेश परीक्षा (नीट यूजी) रविवार, ४ मे रोजी होणार आहे. यासाठी अर्ज केलेल्या उमेदवारांना १ मे रोजी प्रवेशपत्र उपलब्ध होणार असल्याची माहिती राष्ट्रीय चाचणी एजन्सीतर्फे (एनटीए) जाहीर करण्यात आली. देशभरातील वैद्यकीय महाविद्यालये आणि शिक्षण संस्थांमधील एमबीबीएस अभ्यासक्रमाच्या प्रवेशासाठी ही सामायिक परीक्षा घेतली जाते. गेल्या वर्षी यासाठी २३ लाखांपेक्षा जास्त उमेदवारांनी अर्जनोंदणी केली होती. ‘एनटीए’तर्फे यंदा ही परीक्षा एकाच दिवसात आणि एकाच शिफ्टमध्ये घेतली जाईल.देशभरातील विविध परीक्षा केंद्रांवर दुपारी २ ते ५ या वेळेत होणाऱ्या या परीक्षेची प्रवेशपत्रे ‘एनटीए’च्या https://www.neet.nta.nic.in या संकेतस्थळावरून डाऊनलोड करता येतील. यासाठी संकेतस्थळावर जाऊन होम पेजवरील प्रवेशपत्राच्या लिंकवर क्लिक करायचे आहे. त्यानंतर अर्ज क्रमांक आणि जन्मतारीख टाकून विद्यार्थ्यांना लॉगइन करावे लागेल. त्यानंतर प्रवेशपत्र उपलब्ध होईल.Steps to download NEET UG 2025 admit card: नीट परीक्षेचे हॉलतिकीट कसे डाऊनलोड करायचे? १. पहिल्यांदा एनटीए नीटच्या neet.nta.nic.in. अधिकृत वेबसाईटवर जा. २. त्यानंतर होमपेजवरील “NEET UG 2025 Admit Card” वर क्लिक करा. ३. अर्ज क्रमांक आणि जन्मतारीख किंवा पासवर्ड वापरून लॉग इन करा. ४. त्यानंतर स्क्रिनवर दिसणारा सुरक्षा पिन एंटर करा. ५. प्रवेशपत्रावर नमूद केलेले सर्व तपशील डाउनलोड करा आणि पडताळून पहा.