बल्लारपूर विधानसभा मतदारसंघाच्या निवडणुकीसाठी बुधवारी (ता. २०) मतदान होत आहे. त्यासाठी मतदान यंत्र व मतदानविषयक साहित्य अनुक्रमे मूल तहसील प्रशासकीय भवन मधून आज सकाळी वाटप करण्यात आले. यावेळी बॅलेट युनिट, कंट्रोल युनिट आणि व्हीव्हीपॅटचे वाटप करण्यात आले.
हे सर्व साहित्य केंद्रनिहाय वितरण निवडणूक निर्णय अधिकाऱ्यांच्या उपस्थितीत केंद्रप्रमुख व मतदान अधिकारी, कर्मचाऱ्यांकडे मंगळवारी सुपूर्द करण्यात आले.
त्यापूर्वी सर्वांचे प्रशिक्षण झाले. त्यांच्यासह मतदानासाठीचे साहित्य मतदान केंद्रापर्यंत घेऊन जाण्यासाठी बस व अन्य वाहनांची व्यवस्था केली होती. सुरक्षेसाठी पोलिस बंदोबस्त होता. मतदानाच्या अगोदरच्या दिवशीची आज टिपलेली लगबग.
